CNews-ის წყარო ამბობს, რომ „უცნობი“ ამჯერად „ოცნებას“ ევაჭრება.„მარადსობის დღის“ დაწესება „უცნობს“ საკუთარი ინტერესებისთვის სჭირდება, ანუ უნდა, ილუზია შექმნას, რომ ძალიან ბევრი მხარდამჭერი ჰყავს და ქარიზმატული ლიდერია. ახლა მისი ნაბიჯი ის იქნება, რომ მთელი ზაფხული მსგავს აქციებს გამართავს, შემოდგომაზე კი თავს თბილისის მერობის კანდიდატად გამოაცხადებს. პარალელურად, „ოცნებასთან“ ვაჭრობას დაიწყებს, ხომ ხედავ, უამრავი მომხრე მყავს და თქვენს კანდიტას იმის შანსიც კი არ ექნება, რომ მეორე ტურში გავიდეს. ამიტომ, ჩემს მოთხოვნებს თუ დააკმაყოფილებთ, მერობიდან ჩემს კანდიდატურას მოვხსნი და მთელი ჩემი მხარდამჭერები ხმას „ოცნების“ კანდიდატს მისცემენო“, - ამბობს CNews-ის წყარო, რომელიც ვერ აკონკრეტებს, თუ რა მოთხოვნები ექნება „უცნობს“, თუმცა ამ შემთხვევაში, კონკრეტულ მოთხოვნებს აზრი არ აქვს. მთავარი ისაა, რომ კიდევ ერთხელ იკვეთება პოლიტიკური ვაჭრობის ნიშნები.თუმცა, თუ ძმების მადას გავითვალისწინებთ და თუნდაც 2015 წლის ავანტიურას „დაკარგულ ედემზე“, ანუ ღვინოზე და აშშ-ში ქართული ღვინის პოპულარიაზაციაზე, რისთვისაც საპარტნიორო ფონდმა თითქმის 9 მილიონი გასცა დღევანდელი კურსით და თითი-თითზე არავის დაუდევს, სულაც არ არის გასაკვირი, მომავალი ნაბიჯი „დაკარგული სამოთხის“ მოთხოვნა გახდეს. მთავარი აქ ხომ ის არის, რასაც კარგად ნაცნობი ძმები შეეხებიან, გაფუჭდეს და დაიკარგოს.