ნიკა გვარამიას განცხადება წულუკიანი ქურდულ გარჩევებზე სვანეთში იბარებს... სამწუხაროა და სირცხვილი ოღონდ თქვენი სირცხვილი ჩემიც

"სამწუხაროდ, ფუჩეჩია ქალბატონი თეას სკალპის ქვეშ" - ამის შესახებ "მთავარი არხის" დამფუძნებელი და გენერალური დირექტორი ნიკა გვარამია გადაცემაში "მთავარი აქცენტები" აცხადებს და თეა წულუკიანის დღევანდელ განცხადებას ეხმაურება."მე ხომ ვთქვი, რომ უცენზურო სიტყვებს ეთერში აღარ ვიტყვი და აღარ ვამბობ. ემა გოგოხია კი ფარავს სამეგრელო-ზემო სვანეთს და კარგად ფარავს, ქალბატონი წულუკიანი რას ფარავს, ეგ მაინტერესებს. ჩვენს მიკროფონს რომ იპარავს და ფარავს, ეგ ვიცი. ვხედავთ უკვე. მაგრამ საკუთარი სკალპის ქვეშ რას ფარავს, ეგ მაინტერესებს. ტვინია რაც იქ არის, თუ ფუჩეჩი. რაც უფრო ღრმად შევდივართ ტყეში, მით უფრო ფუჩეჩია ქალბატონი თეას სკალპის ქვეშ, სამწუხაროდ. სამწუხაროდ არა მისთვის, არამედ ამ ქვეყნისთვის, სადაც ის არის პირველი ვიცე-პრემიერი. სამწუხაროდ თქვენთვის. ვინც მას ვერ თუ არ ცვლით. სამწუხაროდ ყველასთვის, იმიტომ რომ ეს ქვეყნის დასასრულის დასაწყისია. როდესაც იუსტიციის მინისტრი საჯაროდ იპარავს მიკროფონს და მერე ქურდულ გარჩევებზე სვანეთში იბარებს ჟურნალისტს, სამწუხაროა და სირცხვილი. ოღონდ თქვენი სირცხვილი. ჩემიც. ჩვენი საერთო სირცხვილი, - ამბობს ნიკა გვარამია.