„ამაზე მეტი სირცხვილი რა შეიძლება იყოს,“ - წერს საქართველოს მესამე პრეზიდენტი მიხეილ სააკაშვილი სოციალურ ქსელში და ამბობს, რომ ლვოვში, აფხაზეთის ომში დაღუპული უკრაინელი სამხედროს დაკრძალვის ცერემონიის დროს, პრემიერი ირაკლი ღარიბაშვილი გვერდით ქუჩაზე, 500 მეტრში იმყოფებოდა, თუმცა ღონისძიებაზე არ მისულა. „ზუსტად ამ დაკრძალვის ცერემონიის დროს, ღარიბაშვილი იმყოფებოდა გვერდზე ქუჩაზე, ამ ადგილიდან 500 მეტრში. სამწუხაროდ, საერთოდ არ შეიმჩნია ეს ღონისძიება! ამაზე მეტი სირცხვილი რა შეიძლება იყოს, პატარა ქალაქ ლვოვში?! ამის შესახებ, ხომ ყველამ იცის, რომ იქ იყო და ფეხი არ მოადგა! - წერს მიხეილ სააკაშვილი Facebook-ზე.
„თითქმის 30 წლის შემდეგ, უკრაინაში დაკრძალეს საქართველოსა და უკრაინის გმირი ლეონიდ ტკაჩუკი, რომელიც მამასთან ერთად აფხაზეთში იბრძოდა რუსი დამპყრობლების წინააღმდეგ, ხოლო მამამისი ობუხი იბრძოდა როგორც იქ, ასევე აღმოსავლეთ ფრონტზე 2014 წელს. მე ვიყავი ამ ძალიან მღელვარე ცერემონიალზე. იყვნენ „უნა–უნსოს, "აიდარას", სხვა მოხალისე გაერთიანებათა წარმომადგენლები და უბრალოდ უკრაინელი პატრიოტები, ლვოვისა და მთელი უკრაინის კარგი მოქალაქეები. ჩვენ ერთად ვისაუბრეთ ხალხთა ძმობასა და მეგობრობაზე და გავიხსენეთ გმირები“, – აღნიშნა საქართველოს მესამე პრეზიდენტმა.
[media=]