“როგორ შეიძლება მკვლელები მთავრობაში ისევ მოვიდნენ?! – ეს ხომ ყველას გვახსოვს, 2012 წელს როგორ ამოისუნთქა ხალხმა, როგორი რეჟიმი იყო, როგორ კლავდნენ ხალხს, ქონებას როგორ ართმევდნენ…” – ამის შესახებ თბილისის ვაკის მაცხოვრის ფერიცვალების სახელობის ტაძარში ქადაგების დროს მამა შალვა კეკელიამ განაცხადა.“დათო უჯმაჯურიძის სული აცხონოს ღმერთმა, საოცარი კაცი, აგერ, ვაკეში, შუადღის 2 საათზე მანქანიდან გადმოიყვანეს, “ლიბერთი ბანკის” წინ მანქანა დაუწვეს, იმიტომ რომ ერთ-ერთ პარტიას, “მემარჯვენეებს” აფინანსებდა, ამის ამო მანქანა დაუწვეს, აიყვანეს საგურამოს ტყეში, სცემეს, იარაღი თავზე დაადეს და გვერდით ტყვია ესროლეს. ეს პირადად რაც მე ვიცი, წარმოიდგინეთ ასეთი რამდენი აქვთ გაკეთებული?!. და დღესაც როგორ გვემუქრებიან, როგორ ლაპარაკობენ… ამას რომ ვხედავ, ზოგჯერ ჭკუა მეკეტება. რა ხალხია? რა ჯიშია? საიდან მოვიდნენ? ამბიონიდან ამ თემაზე არ მისაუბრია, ვითმენ, ვითმენ, ყოველდთე ვუყურებ ეკლესიის ასე ლანძღვას, ამ ყველაფრის ყოველდღე ასე განადგურებას, შენ თუ ქრისტიანი ხარ, ასეთი ადამიანები როგორ მოგწონს?! ახალგაზრდებს სიბილწისკენ მოუწოდებდნენ, მიდით ბუჩქებში შედითო ეუბნებოდნენ… ეს მთავრობაც უნიათოები… ამათიც არ ვიცი, რა ეშველება ამ ყველაფერს ერთად, მათი ბრალია, რომ ესენი (ოპოზიცია)ასე არიან. შენდობას ვითხოვ დღეს პოლიტიკურ თემაზე რომ მიწევს ლაპარაკი. მაგრამ შეიძლება ასე? უბრალოდ, ესენი მკვლელები მაინც არ არიან, ეს არის განსხვავება, არ ვიცი რა გვეშველება, რაღაც უნდა მოხდეს, რომ ამ ქვეყანას ერთხელ და სამუდამოდ ეშველოს….შენდობას ვითხოვ, უბრალოდ წარმოიდგინეთ… ამხელა ტკვილი იყო (ბათუმის ტრაგედიის გამო) და კონცერტი გამართეს, ბათუმში ამდენი ადამიანი დაიღუპა“, – განაცხადა მამა შალვამ კეკელიამ ქადაგებისას.