ჩამოსულიყო და ციხეში არ ჩამჯდარიყო, ვერც „ოცნება“ აიღებდა 47%-ს და არც ნაციონალურ მოძრაობას ექნებოდა ის შედეგი, რომელიც თითმმართველობის არჩევნებზე აჩვენეს. კითხვას ვსვამ, რა მოუტანა საქართველოს სააკაშვილის ციხეში ჩაჯდომამ? პრობლემების მეტი არაფერი მოუტანია._ პრობლემა თავის თავს შეუქმნა, ქვეყანას რა პრობლემები მოუტანა?_ რა პრობლემა მოუტანა? მისი წყალობით „ქართული ოცნება“ დატოვა ხელისუფლებაში. ნაციონალები კი მთავარ ოპოზიციურ ძალად დარჩნენ. აი, ეს იყო სააკაშვილის ციხეში ჩაჯდომის მიზანი. მიზანი მიღწეული და შესრულებულია. მიშა მალე დატოვებს ციხეს და საქართველოს._ ვთქვათ გამართლდა თქვენი პროგნოზი და სააკაშვილი გამოუშვეს, „ოცნება“ ხომ ამბობს, რომ მიშა ბოლომდე მოიხდის სასჯელს. ამას რითი გააპრავებენ?_ რაღაცით გააპრავებენ. ამაში მათ ნაციონალებიც დაეხმარებიან. ეს ორი ძალა ავსებს ერთმანეთს. მიშას ციხეში დატოვება ახლა „ქართული ოცნებისთვის“ პრობლემაა. შიმშილობას რა აზრი ჰქონდა დღემდე ვერ გავიგე.
_ რატომ ვერ გაიგეთ, ამით ნაციონალებმა პროტესტი გამოხატეს.
იცით როდის აქვს პროტესტს აზრი, როდესაც ვიღაცას პრობლემას უქმნი. საკუთარ ოფისში კომფორტულ კარავში რომ დაჯდები და შიმშილობას გამოაცხადებ, ამით პრობლემა ვის ექმნება? ისევ და ისევ საკუთარ ოფისს. ნაციონალების ბოლო შიმშილობით ხელისუფლებს რა პრობლემა შეექმნა? არაფერი. ნაციონალებს შიმშილობა თუ უნდოდათ, მთელი ზამთარი თელავის ცენტრში კარვები გვქონდა გაშლილი. ერთი ნაციონალი არ მოსულა. საპარალმენტო არჩევნების მერე ჩვენ გაყალბებას ქალაქის ცენტრში ვაპროტესტებდით. წამლად ერთი ნაციონალი არ გვინახია იქ მოსული. არაფერი საშიმშილო ამათ არ აქვთ. თვეში 10.000 ლარამდე ერიცხებათ.
_ რაში, შიმშილობაში?
_ არა, პარლამენტარის ხელფასია. 10.000 ლარი რომ ჩაგერიცხება, ზოგჯერ საშიმშილოდაც წამოწვები, აბა რას იზამ. სააკაშვილის ბიძა რომ არ ჩამოსულიყო და ამათზე იერიში არ მიეტანა, შიმშილობას არ დაიწყებდნენ. მიშა დაავიწყდათ კიდეც. კარგად მოეწყვნენ, ზოგი პარლამენტშია, ზოგიც საკრებულოებში და მიშა აღარ ადარდებთ. იცით რომ თემავის საკრებულოს ნაციონალების ფრაქციის თავმჯდომარეს 5 მოადგილე ჰყავს. ხო დაუჯერებლად ჟღერს, მაგრამ ჰუავს.
_ 5 მოადგილე რად უნდა? რახან 5-იანია მათი ნომერი ამიტომ დაინიშნა 5 მოადგილე?
_ ფრაქცის თავმჯდომარე ვიყავი წლების წინ თელავის საკრებულოში და ალალად გეტყვით, ამ,აზე უსაქმური სამსახური ჩემს ცხოვრებაში არ მქონია. თურმე ფრაქციის თავმჯდომარე მარტო ვერ წვდება საქმეს და 5 მოადგილე უნდა 1.800 ლარია მოადგილის ხელფასი თვეში. თელავის საკრებულოში ნაციონალების ფრაქციის თავმჯდომარეის მოადგილეების შენახვა 8.000 ლარი ჯდება. გეკითხებით, რაღა აქვთ გასაყოფი თელავის მერთან. ნაციონალები „ოცნებასთან“ ერთად ხელისუფლებას იყოფენ. ლეიბორისტული პარტიის წევრი ნიკა ვარდოშვილი CNews-ისთვის მიცემულ ინტერვიუში აცხადებს, რომ ხელისუფლება მესამე პრეზიდენტს მალე გამოუშვებს ციხიდან.