აქედან გამომდინარე, თავი ვალდებულად ჩავთვალე უფრო მეტად ვიზრუნო ჩემს მშობლიურ კუთხეზე, მივცე საშუალება ამ კუთხის პატიოსან წარმომადგენლებს ღირსეული ადგილი დაიკავონ ქვეყნის აღმშენებლობის პროცესში - ჩემი ხალხის, ჩემი კუთხისა და ქვეყნის საკეთილდღეოდ.სწორედ ასეთი ადამიანია ვაჟა ჩიტაშვილი, ჩემი თანამებრძოლი და დიდი ხნის მეგობარი, გამორჩეული ცოდნითა და მდიდარი გამოცდილებით. ადამიანი, რომელიც 2012 წელს უკვე იყო პარლამენტარი და მიუხედავად იმისა, რომ იგი მაშინ ოპოზიციაში აღმოჩნდა, ცვლილებებისთვის საჭირო ყოველგვარი ბერკეტის გარეშე, თავისი დეპუტატობის თითოეული წუთი ჩვენი რეგიონის საჭიროებებს მოახმარა.მე ზოგადად არ მაქვს პრობლემა ოპონენტის მიმართ. თუმცა, დარწმუნებული ვარ, ოპონენტი მხოლოდ იმით იქნება დაკავებული, რომ ჩვენი ხელისუფლებისა და ქართული ოცნების დროს დაგროვებული მრავალ-მილიონიანი ქონება შეინარჩუნოს. ის არ და ვერ შეძლებს ხალხზე და რეგიონზე ზრუნვას.
მინდა პირადად გთხოვოთ, არჩევნების დღეს, გამოყეთ ნახევარი საათი, მობრძანდით არჩევნებზე და საარჩევნო ბიულეტენებში შემოხაზეთ 5-იანები. შედეგად, შემდეგი 4 წლის განმავლობაში, ვაჟა ჩიტაშვილი იქნება თქვენი ღირსეული მაჟორიტარი და მე ამით სიცოცხლის ბოლომდე ვალდებული გავხდები ვიზრუნო პირადად თქვენზე, თქვენს ოჯახზე, თქვენს სოფელსა თუ ქალაქზე, თქვენს რაიონზე. მომეცით საშუალება ჩემი პირადი გავლენა, გამოცდილება და ცოდნა თქვენ მოგახმაროთ.