"ყველას აქვს უფლება, ჰქონდეს საკუთარი აზრი, მაგრამ არის მნიშვნელოვანი განსხვავება მოსაზრებებსა და ფაქტებს შორის", - ამის შესახებ საქართველოში აშშ-ის ელჩმა კელი დეგნანმა გიორგი თარგამაძის "ფორმულაში" განაცხადა.შშ-ს ელჩი საქართველოში, კელი დეგნანი 2020 წლის 31 ოქტომბრის არჩევნებზე საუბრობს და ამბობს, რომ სერიოზულმა დარღვევებმა როგორც არჩევნებს, ისე გასაჩივრების პროცესს, ზიანი მიაყენა.
დეგნანმა "ფორმულას" ეთერში ისაუბრა.
"იმედგაცრუებული დავრჩით, რადგან ამ არჩევნებს ზიანი მიაყენა უამრავმა სერიოზულმა დარღვევამ და გასაჩივრების პროცესიც, რომელიც მოჰყვა არჩევნებს, ასევე, იყო ხარვეზებით სავსე. ბევრი საჩივარი არ იყო სრულად გამოძიებული, ან არ განიხილეს. შედეგი გახდა ის, რომ ხალხმა დაკარგა ნდობა არა მხოლოდ პროცესის, არამედ არჩევნების შედეგების მიმართაც, რაც ძალიან სამწუხაროა", - თქვა კელი დეგნანმა.კელი დეგნანის თქმით, წინასაარჩევნო კამპანიის პერიოდში ნაკლები აგრესია და ნაკლები სიძულვილის ენა გამოვლინდა. არჩევნებზე კი, საზოგადოების მაღალმა აქტივობამ ცხადყო, რომ ქართველი ხალხი დემოკრატიულ პროცესებში მონაწილეობით დაინტერესებულია.
ამასთან, დღეს კელი დეგნანმა ოპოზიციის "სადამსჯელო" კანონპროექტზეც ისაუბრა და თქვა, რომ არ ეთანხმება კანონს, რომელიც ოპოზიციის განვითარებას შეზღუდავს.
[media=]